Caretene (nacida c. 456 - fallecida el 16 de septiembre de 506) fue la esposa de Gundobad , rey de los borgoñones . A diferencia de su marido, que era arriano , Caretene era católica . Probablemente fue la madre de Segismundo de Borgoña .
Sceptrorum columen, terræ decus et jubar orbis, Hoc artus tumulo vult Caretena tegi: Quâ famulam tu, Christe, tuam, rerumque potentem, De mundi regnis ad tua regna vocas, Thesaurum ditem felici fine secutam, Fotis pauperibus quem dedit illa Deo. Jamdudùm castum castigans aspera corpus, Delituit vestis murice sub rutilo. Occuluit læto jejunia sobria vultu, Secretèque dedit regia membra cruci, Principis excelsi curas partita mariti, Adjuncto rexit culmina consilio. Præclaram sobolem dulcesque gavisa nepotes, Ad veram doctos sollicitare fidem. Dotibus hic polens sublimi mente subire, Non sprevit sacrum post diadema jugum. Cedat odoriferis quondam dominata Sabæis, Expetiit mirum quæ Salomonis opus. Condidit hæc templum præsens quod personat orbe, Angelicisque dedit limina celsa choris. Laxatura reos, regi quas sæpè ferebat, Has offerre preces, nunc tibi, Christe, potest. Quam cùm post decimum rapuit mors invida lustrum, Accepit melior tum sine fine dies. Jamque bis octonâ septembrum luce movebat,